*«QazAgro» holdıngi egin naýqanyn qarjylandyrýǵa ótinimder qabyldaı bastady. Qurylymnyń baspasóz qyzmeti habarlaǵandaı, agroóndiristik keshen sýbektilerin qoldaý maqsatynda holdıngke 60 mlrd. teńge kóleminde bıýdjettik nesıe berildi.
* Elimizde kásipkerlerdi qoldaıtyn jańa baǵdarlama iske qosyldy. «Báıterek» holdıngi ókilderiniń sózine qaraǵanda, oǵan óz ónimderin eksporttaǵan, ósim qarqyny men turaqty qarjy kórsetkishterine ıe orta bıznestegi otandyq kásiporyndar qatysa alady.
* Respýblıkamyzda tirkelgen zańdy tulǵalardyń qatary ósip keledi. Ulttyq ekonomıka mınıstrliginiń baspasóz qyzmeti málim etkendeı, qazirgi tańda atalǵan sanattaǵy azamattar sany 353 833 birlikti quraǵan. Bul – ótken jylǵy sáıkes kezeńmen salystyrǵanda 4,4 paıyzǵa artyq.
* Astanada «Qamqorlyq» aksııasy aıasynda balalarǵa áleýmettik kómek kórsetildi. Naqtylaı aıtqanda, elordalyq 7 mektepten kelgen 50 oqýshyǵa qalalyq bilim basqarmasy men «KZ» qoǵamdyq qory qystyq kıimder syılady. Aıta keteıik, 2014 jyly bul aksııa sheńberinde qala boıynsha 23 mln. teńgeden artyq qarjy jınalǵan.
*Almaty oblysynda zamanaýı jylyjaı ashyldy. Aımaq basshysy Amandyq Batalov bul jobanyń «Bıznestiń jol kartasy-2020» jáne «Agrobıznes-2020» MB aıasynda iske asyrylǵanyn málimdedi. Qarasaı aýdanyndaǵy «Madmar» sharýa qojalyǵyna tıesili keshenniń aýmaǵy 6 gektardy quraıdy. Munda 2 myń tonnaǵa deıin kókónis ósirýge múmkindik bar.
* Ońtústik Qazaqstan memlekettik ýnıversıteti ÚIID MB boıynsha mamandar daıyndaıdy. Atalmysh oqý ornynyń prorektory Darhan Sabyrhanovtyń aıtýynsha, ázirge qurylys ındýstrııasy, tamaq jáne hımııa ónerkásipteri men munaı-hımııa salasyna qajetti mamandardyń suranysyn qanaǵattandyrý kózdelip otyr. Bul baǵytta Úkimet tarapynan qarjy jetkilikti deńgeıde qaralǵan.
* Qyzylordalyqtar «Altyn asyq» baǵdarlamasyn tıimdi paıdalanyp keledi. Oblys ákimdiginiń baspasóz qyzmeti atap kórsetkendeı, ótken jyly óńirdegi 12 sharýashylyq «Agrarlyq nesıe korporasııasy» AQ-tyń oblystyq fılıaly arqyly 131,0 mln. teńgege 5 627, al 5 ujym óz qarjysy esebinen 96,2 mln. teńgege 4 470 bas qoı satyp alǵan.
* Aqmola oblysynda EKSPO-2017 nysandaryna qajetti qurylys materıaldary shyǵaryla bastady. Oblys ákimdigi baspasóz qyzmetiniń dereginshe, Shortandy aýdanyndaǵy Turan industry JShS tabıǵı tastardan (travertın, mármár, granıt) qaptaýysh taqtalar óndirip otyr. Sondaı-aq, jańa tehnologııalarmen jabdyqtalǵan kásiporyn jylyna 50 myń tonna ózge de ónimder shyǵarýdy jolǵa qoıǵan.
* Qostanaılyq ardagerlerge 150 myń teńgeden beriledi. Oblys ákimdiginiń baspasóz qyzmeti Uly Otan soǵysynyń 70 jyldyǵyna arnalǵan sharalardy ótkizýge respýblıkalyq bıýdjetten 326,1 mln. teńge bólingenin jetkizdi. Qazirgi tańda óńirde soǵys ardagerleri men múgedekteriniń sany – 366.
*Pavlodar oblysynyń Qyzyljar aýylyndaǵy qus fabrıkasy alǵashqy ónimderin naryqqa shyǵardy. Aýyldyq okrýgtiń ákimi Erjan Túsipbekov «Bıznestiń jol kartasy-2020» jáne «Agrobıznes-2020» baǵdarlamalary aıasynda iske qosylǵan kásiporyn 1 500 tonnadaı qus etin jergilikti naryqqa jóneltkenin jetkizdi. Bolashaqta atalmysh fabrıka óńirdiń qus etine degen suranysynyń 70 paıyzyn óteýdi josparlap otyrǵan kórinedi.
Habarlar Úkimet, oblystyq ákimdikter saıttary men «QazAqparat» derekteri boıynsha daıyndaldy.